البنوك الرقمية الدولية للمصريين

مش كل المنصات دي بتشتغل صح مع مصر، وبعضها اتغير وضعه كتير في السنتين الأخيرتين. هنحاول نوضح الصورة الكاملة، لو مهتم ب ليه الدفع الدولى اتلغى في مصر شوف ليه الدفع الدولي اتلغى؟

باي بال (PayPal)

الاسم الأشهر في الموضوع ده، وللأسف وضعه في مصر محدود بشكل ملحوظ.

تقدر تستلم فلوس من عملاء دوليين وتدفع على مواقع بيه، بس في قيود مهمة لازم تعرفها: المصريين مش بيقدروا يستخدموا خاصية Friends & Family، ومش بيقدروا يشحنوا رصيدهم يدوياً، والرصيد بيتحول تلقائياً لجنيه في أول كل شهر. مش بيشتغل مع بطاقات ميزة، وغالباً هتحتاج ماستركارد أو إيزي باي.

السحب بيتعمل على فيزا كريدت مصرية بس، مش على حساب بنكي مباشرة.

مناسب لـ: فريلانسرز بيتعاملوا مع عملاء دوليين على منصات زي Upwork وFreelancer.com

مش مناسب لـ: حد عايز يبعت فلوس لأهله أو يستخدمه للدفع المحلي

وايز (Wise)

⚠️ مهم: من مايو 2023، وايز وقف فتح حسابات جديدة للمصريين. لو عندك حساب قديم، لسه شغال بكل مميزاته. لو مش عندك حساب، مش هتقدر تفتح واحد بشكل عادي دلوقتي

لو عندك حساب قديم، Wise لسه من أفضل الخيارات. بيستخدم سعر الصرف الحقيقي من غير هامش مخفي، وإرسال 1,000 دولار لمصر بيكلف حوالي 11 دولار بس. الكارت الفيزيكي مش متاح لمقيمين في مصر.

مناسب لـ: أصحاب الحسابات القديمة لاستلام تحويلات من الخارج

مش مناسب لـ: أي حد عايز يفتح حساب جديد دلوقتي من مصر والفريلانسرز (هم متطرفين في قوانينهم)

بايونير (Payoneer)

⚠️ موقفنا واضح: بايونير شركة إسرائيلية ونحن١ نقف مع قضية فلسطين. بندعوك لاستخدام البدائل المذكورة في المقال ده بدلاً منها.

موقع Choise.com

منصة بنك رقمي بتدي حسابات IBAN أوروبية وكارت فيزا، وبتشتغل مع فيات وكريبتو مع بعض. بتقدر تستقبل فلوس بالدولار واليورو وتحولهم لكريبتو أو تصرف بالكارت مباشرة.

التحقق من الهوية مطلوب ومش دايماً سهل للمصريين، بس حالياً مش بتطلب باسبورت.

مناسب لـ: حد بيتعامل بالكريبتو ومحتاج بوابة فيات بـ IBAN أوروبي.

مش مناسب لـ: حد مش عنده خلفية في الكريبتو.

دوكاسكوبي (Dukascopy)

بنك سويسري حقيقي بيفتح حسابات للمصريين. الودائع مؤمنة لحد 100,000 فرنك سويسري، وبيديك IBAN سويسري وكارت فيزا.

العيب الكبير إن حدود السحب منخفضة، 3,000 دولار كل 4 شهور، والكارت الفيزيكي مش بيتوصل لكل العناوين في مصر.

مناسب لـ: حد محتاج حساب بنكي دولي حقيقي بضمان قوي.

مش مناسب لـ: تحويلات يومية أو مبالغ كبيرة متكررة.

كارد-واي (Card-Y) 🇪🇬

قريباً

أدفاكاش Advcash / Volet

اتعمل ريبراندينج في 2024 وبقى اسمه Volet.com، بس حساباتك القديمة شغالة بنفس البيانات

محفظة إلكترونية بتشتغل مع الفلوس مع بعض. بيديك كارت فيزا وهمي لحد 50,000 دولار للشراء أونلاين. مفيش رسوم تحويل داخلي، بس بنوك الوسيط ممكن تاخد رسوم على التحويلات الدولية.

مناسب لـ: التعامل مع الكريبتو وتحويلات دولية.

مش مناسب لـ: حد عايز دعم عملاء سريع وسهل.

كاش يو (CashU) 🇪🇬

منصة مدفوعات عربية بتشتغل في مصر والمنطقة. بتقدر تشحن المحفظة بالجنيه وتصرف على مواقع بتقبل CashU. مناسبة للدفع على منصات الألعاب والترفيه في العالم العربي.

مناسب لـ: الدفع على مواقع الألعاب والمنصات العربية.

مش مناسب لـ: استلام فلوس من الخارج أو تحويلات دولية.

ريفولوت (Revolut)

مش متاح للمقيمين في مصر، يعني مش تقدر تفتح حساب وعنوانك مصري. لو عندك حساب من بلد تانية وجيت مصر، الكارت شغال للصرف بس كزائر.

مناسب لـ: زوار أجانب في مصر بس.

مش مناسب لـ: أي حد مقيم في مصر.

ويسترن يونيون (Western Union)

الأقدم والأوسع انتشاراً لاستلام الكاش في مصر. موجود في آلاف النقاط زي البنوك والبريد ومحلات الصرافة. الميزة الكبيرة إنه متاح حتى لحد مش عنده بنك خالص، بس رسومه أعلى من البدائل الرقمية وسعر الصرف مش دايماً الأفضل.

مناسب لـ: استلام كاش سريع من أهل في الخارج.

مش مناسب لـ: تحويلات متكررة أو مبالغ كبيرة بسبب الرسوم.

خلاصة سريعة