اتهكرت؟

الموضوع ده بيحصل أكتر مما إنت فاكر. رسالة SMS وهمية، موقع تسوق مشبوه، مكالمة من "موظف البنك" وممكن يبقى مجرد فايروس بيسألك على باسوردك جوا Flash SMS

أول خطوة: اعرف إيه اللي اتسرب

بطاقة بنكية (رقمها أو CVV): اتحرك بسرعة، ممكن اي حد يشتري بيها اونلاين

بيانات بنكية (رقم الحساب + الرقم القومي): الخطر أبطأ شوية بس موجود خطورة انتحال شخصية

باسورد: يعتمد على الباسورد ده بتاع إيه، لو بنكي أو إيميل الخطر عالي جداً

لو بطاقتك اتسرقت بياناتها

لخطوة الأولى: وقفها فوراً:

ماتستناش، ماتكملش قرايتك للمقالة حتى. كل بنك عنده طريقة:

من التطبيق مباشرة: معظم البنوك دلوقتي بتخليك توقّف البطاقة بضغطة زرار من الـ app من غير ما تكلم حد. دور على "إدارة البطاقة" أو "تجميد البطاقة"

لو مش لاقي في الـ app، اتصل بالخط الساخن للبنك:

قولهم بالحرف: *"عايز أوقف بطاقتي فوراً، لانها اتسرقت"

الخطوة التانية: شوف التحركات

راجع كشف حسابك لآخر 48 ساعة، ولو لقيت أي معاملة مش عارفها سجلها ورقم وتاريخ ومبلغ واعمل لها Sheet او حتى اكتبها في ورقة.

الخطوة التالتة: اعمل بلاغ للبنك

روح أقرب فرع بـ

البنك ممكن يرجعلك فلوسك لو ثبت إن العملية مش منك، بس ده بيعتمد على البنك ونوع البطاقة.

في حال البنك ما اتعاونش معاك، كلم الخدمات اللي تم الدفع عليها

الخطوة الرابعة: بلاغ في الشرطة (اختياري بس مفيد)

لو المبلغ كبير، روح أقرب قسم شرطة وقدّم بلاغ. ده بيحفظ حقك القانوني وبيسهل إن البنك يرجعلك فلوسك.

لو باسوردك اتسرب

غيره حالا على كل الأماكن اللي بتستخدمه فيها، وابدأ بالأهم: الإيميل والبنك والمحافظ الإلكترونية.

⚠️ لو باسورد إيميلك اتسرق، ده الأخطر. لأن الإيميل ممكن يتستخدم يعمل reset لكل حاجاتك التانية

بعد كده فعل الـ Two-Factor Authentication (2FA) على كل حاجة، خصوصاً الإيميل والبنك. ده بيعني إنك هتاخد كود على موبايلك كل مرة بتدخل، حتى لو حد عرف باسوردك مش هيعدي

أساليب النصب الشائعة في مصر

مكالمة "موظف البنك": بيتصل بيك حد بيقولك إن في مشكلة في حسابك وعايز تحقق من بياناتك. البنك الحقيقي مبيطلبش منك رقم البطاقة أو الـ PIN تليفونياً أبداً. او حنى بيطلب منك تمليه اي رقم**جالك في رسالة*

رسالة SMS بـ رابط: بتيجي زي دي "بتاعك البنكي وقف، ادخل هنا لتفعيله" والرابط بيودي على موقع شبيه بالبنك بالظبط بس وهمي

موقع تسوق مشبوه: بتدخل بياناتك تدفع وبعدين تلاقي المنتج ماجاش والرقم مش بيرد. الفلوس اتسرقت من أول ما دخلت البيانات.

وأي موقع بيطلب بيانات بطاقتك، اتأكد إن الرابط بيبدأ بـ https وإن اسم الموقع صح. بس خد بالك: الـ https لوحده مش ضمان كامل. لو إنت على واي فاي عام أو شبكة مش موثوقة، ممكن حد على نفس الشبكة يسرق بياناتك حتى من مواقع شرعية. الأأمن إنك تدفع أونلاين دايماً على النت بتاعك إنت او الباقة

اعمل إيه عشان مايحصلش تاني

متحطش الباسورد نفسه في أكتر من حساب، خصوصاً لو واحد منهم بنكي. فعّل إشعارات الـ SMS لكل معاملة على بطاقتك حتى لو صغيرة. وأي موقع بيطلب بيانات بطاقتك، اتأكد إن الرابط بيبدأ بـ https وإن اسم الموقع صح.

تقدر تعمل check إذا كان إيميلك أو باسوردك اتسرب في أي اختراق قديم عن طريق موقع haveibeenpwned.com، بتحط إيميلك وبيوريك إذا كان ظهر في أي تسريب. لو طلعلك إن إيميلك اتسرب، غيّر الباسورد بتاعه فوراً وأي حساب بيستخدم نفس الباسورد.

0%