دروس من أزمة لبنان

لبنان مرت بواحدة من اسوء حالات الانهيار الاقتصادي على مستوي عام، للاسف "سويسرا الشرق" ماعادتش زي ماكانت، ودا بيعلمك اول درس، مفيش حاجة بتفضل على حالها

البوست ده معمول من موديريتور على صب ريديت r/Lebanon وتم مصرنته

أولاً: ما تحطش كل البيت في عشة واحدة

اللي حصل في لبنان إن ناس كتير صحيت يوم و لقت فلوسها اتحجزت بسبب ان البنوك وقعت و ان العقوبات على لبنان زادت، فحتى الخدمات وقفت عندهم.

الدرس: متحطش كل فلوسك في سلة واحدة، وفكر في تنويع تحويشة عمرك بين جنيه وذهب واستثمارات وماتعتمدش على اي منصة خصوصا اونلاين

ثانياً: التحويلات من الخارج مهمة

كل عيلة في لبنان تقريباً عندها حد بالخارج بيبعت فلوس. ناس كتير نجت من الأزمة بسبب قريب أو أخ في الخليج أو أوروبا بيساعدهم حاول تستعمل الطرق السهلة اللي ممكن قرايبك يساعدوك بيها يحولولك، زي انستا باي لو في الخليج

ودي صفحة كاملة في الويكي هنتكلم فيها.

ثالثاً: الصحة النفسية جزء من الأزمة

الكلام ده مهم ومحدش بيتكلم فيه كفاية. في لبنان كان في خط دعم نفسي مجاني ساعد ناس كتير في أحلك أوقاتها لان الضغط المالي مش بس بيأثر على العلاقات والنوم والتفكير ده هيأثر على قراراتك كلها

لو حاسس إن الضغط ده أكبر منك، كلم حد قريب منك، ولو محتاج دعم متخصص في مصر تقدر تتواصل على 0220816831

اربعة: الحياة مبتوقفش

الجملة دي من المشرف اللبناني قوية جداً: "الحياة ما وقفتش حتى وإن كان إحساسك إنها وقفت."

الأزمات المالية بتخلي الناس تأجل قرارات الجواز والإنجاب والدراسة والأحلام. بعض التأجيل منطقي، بس التوقف الكامل بيضر أكتر.

أخيراً: مصر هتعدي

لبنان في أشد أزمة مرت عليه في تاريخه الحديث، وبدأت تتعافى. حتى لو كانت مؤلمة وبطيئة

مصر دولة عندها تاريخ يتعدى الأزمات بمراحل. الظرف الصعب اللي إحنا فيه دلوقتي مش هيكمل حتى لو طول

الذكاء المالي مش بس إنك تشتري ذهب أو تفتح حساب توفير او تستثمر لكن إنك تفهم إيه اللي بيحصل وتحضر نفسك وتساعد اللي معاك

لازم تساعد

لو إنت من الناس اللي الحمد لله عايشين كويس دلوقتي، عندي نصيحة واحدة بس: تطوع.

دور على حاجة بتحبها واشتغل فيها بالمجان. ما تستهونش بيها إنك تطبخ لحد محتاج او تساعد عجوز او انك تزور مريض سرطان، تشتغل مع أطفال، أو حتى تساهم على الويكي بتاعتنا. دا هيفرق مع ناس كتير