قاموس المصطلحات المالية المصري

أ

أرباح موزعة (Dividends) الجزء من أرباح الشركة اللي بتوزعه على حاملي أسهمها، بيجي سنوياً أو ربع سنوياً.

أصول (Assets) كل حاجة بتملكها وليها قيمة، سواء فلوس كاش، عقار، ذهب، أو حتى أسهم.

استحقاق (Maturity) التاريخ اللي فيه بينتهي الاستثمار وبتاخد فلوسك زي الشهادات والسندات.

إيبان (IBAN) رقم بنكي طويل (29 رقم في مصر) بيعرّف حسابك بشكل دولي، بيتستخدم في التحويلات من برّه مصر.

أجارة البنك (اسلامي غالبا) بيشتري الأصل (عقار أو سيارة) وبيأجره لك بقسط شهري، وبعد انتهاء المدة الأصل بيبقى ملكك. البديل الإسلامي للقرض بفايدة

أي تي إف ETF صندوق استثمار بيتداول في البورصة زي السهم العادي بالظبط. بيتبع مؤشر معين زي EGX30 أو سعر الذهب. أرخص وأسهل من صناديق الاستثمار العادية

ب

بين PIN كلمة السر لمرة واحدة، لازم تكون انت بتحطها بنفسك ومش بتمليها لأي حد حتى لو موظف رسمي

بطاقة الخصم (Debit Card) البطاقة العادية اللي بتسحب بيها من رصيدك الفعلي مباشرة.

بطاقة الائتمان (Credit Card) بطاقة بتصرف منها فلوس البنك وبترجعها آخر الشهر، لو متأخرت بتاخد فايدة.

بورصة السوق اللي بتتباع وتتشرى فيه أسهم الشركات. في مصر هي البورصة المصرية ومقرها القاهرة.

ت

تحويل (Transfer) إرسال فلوس من حساب لحساب، سواء جوه نفس البنك أو لبنك تاني.

تضخم (Inflation) لما أسعار السلع والخدمات بتعلا بمرور الوقت وقيمة الجنيه في إيدك بتقل.

تنويع (Diversification) مبدأ إنك ماتحطش كل فلوسك في سلة واحدة، توزعها على استثمارات مختلفة لتقليل الخسارة.

تعويم (Devaluation/Float) لما البنك المركزي بيقرر يخلي سعر الجنيه يتحدد بحرية في السوق بدل ما يكون محدد رسمياً. بيحصل عادةً في أزمات اقتصادية وبينتج عنه ارتفاع مفاجئ في سعر الدولار وغلاء في الأسعار. مثلا في مصر عملنا تعويم في 2016 وفي 2022-2024 (مش دايما بيكون سيء)

ث

ثروة صافية (Net Worth) كل أصولك ناقص كل ديونك. الرقم ده هو قياس ثروتك الحقيقية

ج

جمعية نظام شعبي مصري غير رسمي، مجموعة ناس كل واحد بيدفع مبلغ شهري والكل بياخد دوره. مش استثمار، بس أداة تحويش

ح

حساب جاري (Current Account) الحساب العادي اللي بتقبض فيه مرتبك وبتعمل منه معاملاتك اليومية، من غير فايدة.

حساب توفير (Savings Account) حساب بيديك فايدة على الرصيد اللي جوّاه، أقل من الشهادة بس أسهل في السحب.

حد الائتمان (Credit Limit) أقصى مبلغ تقدر تصرفه ببطاقة الائتمان بتاعتك.

خ

خصوم (Liabilities) كل الديون والالتزامات اللي عليك، قرض سيارة، أقساط، كريدت كارد.

د

دولرة لما الناس تبدأ تتعامل بالدولار في حياتها اليومية بدل العملة المحلية، بيحصل في أزمات اقتصادية حادة

دمغة ضريبة صغيرة بتتحسب على المعاملات المالية والعقود والأوراق الرسمية. في البورصة بتتحسب على كل عملية بيع وشراء تلقائياً غالبا اورانج بتحصلها منك كل يومين تقريبا

ذ

ذهب استثماري شراء ذهب كأصل للحفاظ على القيمة، سواء سبائك أو أونصات، بيفرق عن الذهب الشغل (المصيغات)

ر

رأس المال (Capital) المبلغ الأصلي اللي استثمرته، قبل أي ربح أو خسارة.

رسوم (Fees) المبالغ اللي البنك أو التطبيق بياخدها مقابل خدمة معينة.

ربح رأسمالي (Capital Gain) الفرق بين سعر الشراء وسعر البيع لما تبيع استثمار بربح.

رهن عقاري (Mortgage) قرض بنكي لشراء عقار، العقار نفسه بيبقى ضمان للبنك لحد ما تخلص الأقساط. المدة بتوصل لـ 30 سنة وبتشترط دخل ثابت موثق غالبا بيبقى في امريكا واوروبا ومش منتشر في مصر

ز

زكاة المال نسبة 2.5% الواجبة شرعاً على المال اللي عندك ومضى عليه سنة وتجاوز النصاب.

زكاة الذهب .واجبة لو عندك ذهب يعدي النصاب (85 جرام) وفات عليه سنة هجرية. الحساب: وزن الذهب × سعر الجرام الحالي × 2.5%.

ℹ️ مثال: عندك 100 جرام ذهب وسعر الجرام 3,000 جنيه؛ الزكاة = 100 × 3,000 × 2.5% = 7,500 جنيه

زكاة الأسهم لو اشتريت الأسهم للتداول والبيع، بتزكي قيمتها السوقية كاملة × 2.5%. لو شريتها لأرباح الشركة بس (مش للبيع)، بتزكي نصيبك من أرباح الشركة فقط

س

سحب على المكشوف (Overdraft) إمكانية إنك تسحب أكتر من رصيدك بحد معين، بتدفع فايدة عليه.

سعر الصرف (Exchange Rate) سعر تحويل عملة لعملة تانية، زي سعر الدولار أمام الجنيه.

سعر الفايدة (Interest Rate) النسبة اللي البنك بيحسبها على القرض أو بيديها على الشهادة.

سهم (Share/Stock) ورقة مالية بتمثل جزء من ملكية شركة، لما الشركة بتربح إنت بتربح.

سند (Bond) ورقة مالية بتقرض فيها الشركة أو الحكومة فلوس مقابل فايدة ثابتة.

ش

شهادة استثمار وديعة بتحطها في البنك لمدة معينة (سنة أو 3 سنين) مقابل فايدة أعلى من حساب التوفير، ماتقدرش تسحبها قبل الميعاد غير بغرامة.

ص

صندوق استثمار (Mutual Fund) وعاء بتجمّع فيه فلوسك مع فلوس ناس تانية وخبراء بيستثمروها نيابة عنك في البورصة.

صندوق طوارئ مبلغ محجوز جانب مش بتلمسه إلا في الأزمات، المتعارف عليه إنه من 3 لـ 6 أشهر من مصاريفك الشهرية.

ض

ضريبة الدخل نسبة من دخلك بتاخدها الحكومة، في مصر بتبدأ من 0% وبتوصل لـ 27.5% على حسب الدخل.

ضريبة القيمة المضافة (VAT) نسبة 14% بتتضاف على معظم السلع والخدمات في مصر. إنت كمستهلك بتدفعها من غير ما تحس، هي موجودة في السعر اللي بتدفعه

ط

طرح عام أولي (IPO) أول مرة شركة خاصة بتعرض أسهمها للبيع للعامة في البورصة. بيكون فيه فرصة لشراء بسعر أولي قبل ما السهم يبدأ يتداول.

ع

عمولة (Commission) مبلغ بياخده الوسيط أو البنك مقابل تنفيذ عملية معينة.

عملة رقمية / كريبتو عملات إلكترونية مش مربوطة بحكومة أو بنك مركزي، أشهرها البيتكوين والإيثيريوم.

ف

فايدة مركبة (Compound Interest) الفايدة اللي بتتحسب على أصل المبلغ وعلى الفايدة اللي اتراكمت قبل كده، بتكبّر استثماراتك بشكل أسرع بمرور الوقت.

تسريب بيانات (Data Breach) لما بيانات شخصية أو مالية بتتسرب من موقع او بنك

فوركس (Forex) سوق تداول العملات الأجنبية، بيشتغل 24/7 وفيه مخاطرة عالية جداً.

ق

قرض شخصي (Personal Loan) مبلغ بتاخده من البنك وبترجعه على أقساط شهرية بفايدة، مش محتاج ضمان عيني.

قيمة سوقية (Market Cap) إجمالي قيمة الشركة في البورصة، بتتحسب بضرب سعر السهم في عدد الأسهم الكلي.

ك

كشف حساب (Bank Statement) سجل بكل المعاملات اللي اتعملت على حسابك خلال فترة معينة.

كريدت سكور (Credit Score) تقييم للتزامك بسداد ديونك، بيأثر على قدرتك تاخد قرض في المستقبل. في مصر بيتراكم عبر الاستعلام الائتماني من شركة آي سكور.

ل

ليكويديتي / سيولة (Liquidity) مدى سهولة تحويل الأصل لفلوس كاش بسرعة. الكاش أعلى سيولة، العقار أقل سيولة.

م

محفظة استثمارية (Portfolio) مجموعة كل استثماراتك مع بعض، أسهم وسندات وذهب وغيره.

محفظة إلكترونية تطبيق أو خدمة بتخزن فيها فلوس وبتحول بيها، زي فودافون كاش وانستاباي.

مؤشر (Index) رقم بيقيس أداء مجموعة أسهم أو السوق كله، زي مؤشر EGX30 اللي بيمثل أكبر 30 شركة في البورصة المصرية

مرابحة بدل ما البنك يقرضك فلوس بفايدة، هو بيشتري الأصل اللي إنت عايزه (سيارة، جهاز، بضاعة) وبيبيعه لك بسعر أعلى على أقساط. الفرق بين سعر الشراء وسعر البيع هو ربح البنك، ومتفق عليه من الأول ومبيتغيرش

ℹ️ ميز: مفهوم مختلف عن الإجارة

ميزانية شخصية خطة مكتوبة بتوزّع فيها دخلك على مصاريفك وادخارك قبل الشهر. أشهر طريقة هي قاعدة 50/30/20: 50% للاحتياجات، 30% للرغبات، 20% للادخار والاستثمار

ن

نسبة الادخار النسبة من دخلك اللي بتحتفظ بيها، المتعارف عليه إنها على الأقل 20%.

هـ

هامش الربح (Profit Margin) الفرق بين سعر الشراء وسعر البيع كنسبة مئوية.

و

وديعة (Deposit) مبلغ بتحطه في البنك لفترة محددة مقابل فايدة، أقل مرونة من التوفير بس فايدتها أعلى.

وسيط (Broker) شركة أو شخص بيتوسط بينك وبين البورصة عشان تشتري وتبيع أسهم.

الكريبتو