١ انتحال صفه خدمه العملاء (مكالمات النصب)
بيحصل ازاي
- حد يكلمك ويقولك انه من البنك او من اي شركه اتصالات
- يقولك في عمليه سحب مريبه او مشكله في الحساب
- يطلب منك OTP او رقم البطاقه او الرقم القومي
- اول ما تدي الكود الحساب بيتفتح قدامه
ليه مرعب
- لانه بيعتمد عليك انت
- مفيش اختراق تقني معقد مجرد اقناع
- والموضوع بيتم في دقايق
علامات انك بتتعرض دلوقتي
- المتصل مستعجل جدا
- بيخوفك فلوسك هتتسحب حالا
- بيرفض انك تقفل وتكلم البنك بنفسك
- بيطلب OTP صراحه
تحمي نفسك ازاي
- اقفل المكالمه فورا
- متقولش OTP لاي حد مهما كان
- اتصل انت بالرقم الرسمي للبنك
- فعل اشعارات فنوريه لاي حركه على الحساب
٢ الروابط المزيفه (من اي حته) Phishing
بيحصل ازاي
- رساله SMS او واتساب فيها لينك
- بيقولك استلم حوله او حد بعتلك فلوس
- تدخل تلاقي صفحه شبه التطبيق بالظبط
- تكتب بياناتك بتبعت للنصاب
ليه مرعب
- لان الصفحه بتبقى نسخه من الاصل
- وكثير ناس مش بيفرقوا بين الموقع الحقيقي والمزور
علامات ليك
- الرابط غريب او فيه حروف زياده او ارقام او رموز
- الصفحه فيها اخطاء بسيطه في الكتابه
- بيطلب بيانات اكتر من المعتاد
- دخلت من رساله مش من التطبيق نفسه
تحمي نفسك ازاي
- عمرك ما تدخل على تطبيق او موقع من لينك رساله
- افتح التطبيق من الموبايل مباشر
- بص كويس على عنوان الموقع لو اضطريت تدخل موقع
- متحطش بياناتك في صفحه جالك فجاه
٣ نصب البيع والشراء
بيحصل ازاي
٣ سيناريوهات لازم اساسيه
١ يبعتلك ايصال تحويل مزور
٢ يقولك حولت بالغلط وعايزك ترجع الفلوس
٣ يقولك مندوب جاي يستلم الحاجه وانت ما استلمتش فلوس فعلا
ليه مرعب
- لانك بتبقى مركز في البيع ومتحمس تقفل البيعه
- النصاب بيعتمد على اللحظه دي
علامات انك بتتعرض للنصب
- بيضغط عليك تستعجل
- مش راضي تستنى لما تتاكد من الرصيد
- بيبعت screenshot بدل ما يخليك تتاكد بنفسك
- بيغير كلامه فجاه
تحمي نفسك ازاي
- متسلمش حاجه قبل ما تشوف الفلوس في الرصيد بنفسك
- متصدقش اي screenshot
- لو في شك الغي البيع
- خلي التعامل في مكان عام (لو تقدر) وامن حتي لو الدفع الكتروني
٤ SIM Swap تبديل او سرقه او اختراق الشريحه
بيحصل ازاي
- مش هتفرق معاك
ليه مرعب
- لانك ممكن تكون عامل كل اجراءات الامان
- بس الرقم نفسه بقى معاه
- وده بيفتح له باب كل حساباتك المرتبطه بالموبايل
العلامات
- الشبكه فصلت فجاه
- الموبايل بيقول No Service
- مش قادر تعمل مكالمات
- بتجيلك رسائل تسجيل دخول وانت ما عملتش حاجه
(في الحاله دي يبقي موقفش الشريحه الاولي و طلع شريحه علي نفس الرقم)
تتحرك ازاي فورا
- روح شركه الاتصالات وقف كل خطوطك
- اطلب تجميد اي حساب بنكي من البنوك نفسها بالid بتاعك من خدمه العملاء
- غير كل كلمات السر من جهاز امن (جهاز اخر افضل)
- اربط حساباتك بتوثيق ثنائي 2FA مش معتمد بس على SMS
(يفضل تطبيق خارجي open source و backup كل فتره)
ملخص
اي عمليه نصب هتدور حوالين ٣ اشياء
- الضغط النفسي
- السرعه
- الحصول على OTP او بياناتك
اول ما تحس ان حد بيستعجلك اعرف ان ده انذار